مجادعات بين الشاعر ود آمنه والشاعر ودشوراني

ﺍﻟﺼﺎﺩﻕ :
ﻭﺩ ﺷــﻮﺭﺍﻧﻲ ﻋﻴﻨﻲ ﺍﻟﺴﻬﺮ ﻗﺒَّـــﺤَﻪ
ﻭﻟﺴﻨــــﺎﺕ ﺍﻟﺸﻤﺖ ﻓﻲ ﻳﺎﻧﺪﻳﻢ ﻣﺘﺤَّﻪ
ﻋﻠﻲ ﻋﺎﻧِﺲ ﻣﺘﻮ ﺍﻟﻠﺒﻰ ﻳﺘﻠﻰ ﻣﻨﻲ
ﻭﺣﺠﻪ
ﺳﻮﻟﻚ ﻣﻨﻜﺐ ﺟﻤﻠﻲ ﺃﺏ ﺟﺮﻳـــﺪﺍً ﺩﺣَّﻪ
ﻭﺩﺷﻮﺭﺍﻧﻲ :
ﺳﻤﺢ ﺍﻟﺸﻮﻓﺔ ﺭﻭﻗﺔ ﺍﻟﻐﻤﺪﺓ ﻣﻨﻲ
ﻣﻨﺤَّﻪ
ﻭﺃﻧﺎ ﻳﺎ ﺃﺏ ﺁﻣﻨﻪ ﻣﺎ ﺧﻠﺘﻠﻲ ﺗﻮﺑﻪ ﻭﺻﺤﻪ
ﺫﻭﻗﻪ ﻏﺮﻳﺰﺓ ﺍﻟﺤﺐ ﻓﻲ ﺿﻤﻴﺮﻱ ﺯﺭﺣﻪ
ﻫﺠَّﺎﻡ ﺩﻭﺭﻩ ﺗﺮ ﻋﺠﻠﻮ ﻭﺧﺒﻴﺮﺗﻮ ﺭﻓﺤَّﻪ
ﺍﻟﺼﺎﺩﻕ :
ﺑﻌﺪ ﺍﻟﺸﻴﺐ ﻋﻤﺘﻨﻲ ﻭﻧﻔﺴﻲ ﻣﺪﻩ
ﻗﺮﺣَّﻪ
ﻋُﻘﺐ ﺍﻟﻠﻴﻠﻪ ﻋــﺎﺩﺕ ﻟﻸﺫﻯ ﺍﻟﺒِﺴﺮﺣَّﻪ
ﺩﺭﻋﺎﺕ ﺍﻟﻘﻨﻮﺏ ﺑﻌﺪ ﺍﻟﻘﻠﺐ ﺻـﺎﺭﺣﻪ
ﻣﺠﺒﻮﺭﻳﻦ ﻋﻠﻲ ﻧـــﺎﺭ ﺩﻗﻤﻪ ﻧﺪﺭﺣَّﻪ
ﻭﺩﺷﻮﺭﺍﻧﻲ :
ﻗﻠﺒﻲ ﺍﻟﻠﻴــــﻠﻪ ﻣﻨﻄﻘﺔ ﺍﻟﻘﻮﺍﻓﻲ ﻓﺘﺤَّﻪ
ﻓــﻮﻕ ﺍﻻﺭﻳﻞ ﺍﻟﻘﻤَّﺢ ﻛـــﻼﺑﻲ ﺷﺮﺣَّﻪ
ﻳﺎ ﻋﻮﺽ ﺍﻟﺴــﻼﺣﻮ ﺍﻵﻥ ﻛﺒﺎﺩﻱ ﺟﺮﺣَّﻪ
ﺧﺪﻭ ﻭﺳﻴﻢ ﻭﺭﻭﺑﺘﻮ ﻋﻠﻰ ﺍﻟﻜﺘـﻮﻑ
ﻟﻔﺤَّﻪ
ﺍﻟﺼﺎﺩﻕ :
ﺍﻟﻌﻴﻦ ﺳﺎﻗﺪﻩ ﺑﻠﺤﻴﻞ ﻭﻗﺎﺳﻲ ﻧﺼﺤَّﻪ
ﻟﺒﻴﻊ ﺍﻟﻘﺎﻣﻪ ﻓﻲ ﺳﻬﺮ ﺍﻟﻠﻴﺎﻟﻲ ﺩﻓﺤَّﻪ
ﺭﺏ ﺍﻟﻌﺰﻩ ﻓﻲ ﺳﺎﺑﻊ ﺍﻟﺴﻤﺎﻭﻱ ﺭﻓﺤَّﻪ
ﺭﻭَّﻕ ﺫﻫﻨﻬﺎ ﻭﻓﻄﻨﻬﺎ ﻣـــﺎﺻﻔﺤَّﻪ
ﻭﺩﺷﻮﺭﺍﻧﻲ :
ﻭﺍ ﺃﺳﻔﺎﻱ ﻋﻠﻲ ﺻﺒﺮﻱ ﺍﻟﻀِﻌﻔﻠﻮ
ﻭﺷﺤَّﻪ
ﺳﺒﺒﻮ ﺍﻟﻌﺎﺭﺿﻪ ﻓﻮﻕ ﺷﺘﻢ ﺍﻟﻨﺤﺎﺱ
ﺍﻟﻘﺤَّﻪ
ﺍﻟﺨـــــــﻼَّﻗﻪ ﻟﻴَّﻦ ﻃﺒﻌﻬﺎ ﻭﺳﻤﺤَّﻪ
ﺯﻭﻟﻪ ﻓﺪﻭﺭﺓ ﺍﻟــﻨﻮﻕ ﻓﻲ ﺍﻟﻌﺠﻴﺞ
ﻗﻤﺤَّﻪ
ﺍﻟﺼﺎﺩﻕ :
ﺗﻘﻴﻠﺔ ﺍﻟﻤﺠﻠﺲ ﺍﻟﻤﻦ ﺍﻟﻘﺒـــﻴﺢ ﺗﺴﺤَّﻪ
ﻣﻦ ﺣﺮ ﺷﻮﻗﻪ ﻗﻠﺒﻲ ﻳﻨﻮﺡ ﻭﺩﻭﻓﻲ
ﺇﺗﻠﺤَّﻪ
ﺍﻟﺨﻼﻧﻲ ﺍﻟﻘــــﺎﻳﻠﻪ ﻓﻴﻜﻲ ﻣﺎ ﺑﺴﻤﺤَّﻪ
ﻣﻘﻄﻮﻉ ﺍﻟﻨﺼــﻴﺐ ﺑﻴﻚ ﻧﻔﺴﻮ ﻣﺎﻣﺘﺤَّﻪ
ﻭﺩﺷﻮﺭﺍﻧﻲ :
ﻟﻬﺠﻚ ﻛُﻠﻤﺔ ﺍﻟﺤﻨﻰ ﺍﻟﺴﺒﻴﻄﻪ ﺗﻔﺤَّﻪ
ﺃﻧﺪﻯ ﻧﺪﺍﻛﻲ ﻳﺎﻟﺸﺘﻠﻪ ﺃُﻡ ﺃﺩﻭﺑﺎً ﻧﺤَّﻪ
ﺍﻟﺨﻼﻧﻪ ﺧِﻠَﻘِﻚ ﺑﺎﻟﺸُﻜُﺮ ﻧﻤـــﺪﺣَّﻪ
ﺃﺭﺩﺍﻓﻚ ﻓﻠﻮ ﻭﻗﺪﻣـﻚ ﺗﻘﻴﻞ ﻣﺎ ﺭﺣَّﻪ
ﺍﻟﺼﺎﺩﻕ :
ﺇﻧﺘﻲ ﻓﺮﻳﺪﺓ ﺍﻟﻌﺼﺮ ﻭﻧﺨـﻴﻞ ﺍﻟﺸﺒﺮﻩ
ﺷﻮﻓﺘﻚ ﺗﺬﻫِﺐ ﺍﻟﻬﻢ ﻭﺍﻟﻠﻴﺎﻟﻲ ﺍﻟﻐﺒﺮﻩ
ﺑﻲ ﻓﺮ ﺑﺮﺍﻃﻤﻚ ﻭﻗــﺎﻣﺘﻚ ﺍﻟﻤﻨﺘﺒﺮﻩ
ﺃﺣﻴﺘﻴﻠﻲ ﻧـــﺎﺭ ﻗُﺒﺮﻩ ﺍﻟﺒﺘﻮﻗِﺪ ﻛَﺒﺮﻩ
ﻭﺩﺷﻮﺭﺍﻧﻲ :
ﺍﻟﺒﺎﺭﺡ ﻧﺴﻴﻢ ﺭﻳﺤــﺎً ﻃﻠﻖ ﻣﻦ ﺟﺒﺮﻩ
ﺫﻛَّﺮ ﻋﻘﻠﻲ ﻟﻲ ﻭﺩ ﺍﻟﻌﻨﺎﻧــﻴﺲ ﻫﺒﺮﻩ
ﺁﺡ ﻣﻦ ﻓﻼﻧﻪ ﻭﺟﺮﺣﻬﺎ ﺍﻟﻤــﺎ ﺑﻴﺒﺮﻩ
ﻗﻠﺒﻲ ﻋﻠﻴﻬﺎ ﻧﺎﺡ ﺑﻌﺪ ﺍﻟﻴﻘﻴﻦ ﻭﺍﻟﺼﺒﺮﻩ
ﺍﻟﺼﺎﺩﻕ :
ﺃﺧُﺶ ﻓﻲ ﻣﻜﺘﺐ ﺍﻟﺮﻳِّﺲ ﻭﺃﺻُﺪ
ﺑﺎﻟﻌﺒﺮﻩ
ﺃﻧﺎ ﻳﺎ ﺩُﻗﻤﻪ ﻃﺸَّﺖ ﺭﻭﺣﻲ ﻣﻲ ﻣﻨﺨﺒﺮﻩ
ﺍﻟﺨﻼﻧﻲ ﺃﺗﺨﺘﺮﻩ ﺍﻟﻨﺼﻴـــﺤﻪ ﻭﺃﺑﺮﻩ
ﻳﺎﻗﻮﺕ ﺍﻟﺤﻀﻴﺮﻱ ﺍﻟﻮﺍﺯﻧﻮ ﻣﻴﺔ ﻋﺒﺮﻩ
ﻭﺩ ﺷﻮﺭﺍﻧﻲ :
ﺃﺭﺽ ﺍﻟﻠﻪ ﺍﻟﻮﺳﻴﻌﻪ ﻋﻠﻲ ﺑﻘﺖ ﻣﻨﺸﺒﺮﻩ
ﻣﻦ ﻟﻬﻄﻲ ﻭﺗِﻘِﺮﺑﻨﻲ ﻛﻞ ﺻﺎﺣﺐ ﻳﺒﺮﻩ
ﻋﺎﺭﻓﻚ ﻳﺎﻟﻈﻬــﻮﺭِﻙ ﻣﻲ ﺭﺩﻳﻪ ﻭﺩﺑﺮﻩ
ﻓﻘﺪﻙ ﺃﺣﺮَّ ﻣﻦ ﺳﻢ ﺃﺏ ﻟـــﺪﻏﺔً ﻧﺒﺮﻩ
ﺍﻟﺼﺎﺩﻕ :
ﺭﺍﺳﻴﻪ ﻭﺃﺩﻳﺒﻪ ﻭﻋﻨﺪﻙ ﻓﻮﻕ ﻧﺪﺍﻳﺪﻙ
ﻓﻮﺕ
ﻭﺿﺮﺑﻚ ﻟﻠﻌﺸﻮﻕ ﻛﻠﻴﺢ ﺳﻴﻮﻑ ﻣﻮ
ﺳﻮﻁ
ﻧﺎﺱ ﺩُﻗﻤﻪ ﻣﺘﻠﻲ ﻣﻬﺪﺩﻳﻦ ﺑﺎﻟﻤــــﻮﺕ
ﺯﻱ ﻛﻮﺭﺓ ﺍﻟﻬﻼﻝ ﺷــﺎﺗﺖ ﻗﻠﻮﺑُﻦ ﺷﻮﺕ
ﻭﺩﺷﻮﺭﺍﻧﻲ :
ﻣﺮﺟﺎﻥ ﺍﻟﺠﻮﺍﻫﺮ ﻭﻓﺎﺧﺮ ﺍﻟـــﻴﺎﻗﻮﺕ
ﻏﻴﺮ ﺣﻼﺗﻪ ﺯﻳﻨﺔ ﻋﻴﻨﻮ ﻟﻲَّ ﺗﻔـــﻮﺕ
ﺍﻟﺤﻮﻳﺘﻮ ﺟﺎﻩ ﺑﺪﻭﻱ ﺍﻟﺰﻳﺎﺭﺗﻮ ﺳـﺒﻮﺕ
ﺷﻴﺨﺔ ﻛُﻞ ﻋﺎﺭﺽ ﻭﻣﻦ ﺷﻠﻮﺧﻪ
ﺳﺘﻮﺕ
ﺍﻟﺼﺎﺩﻕ :
ﻳﺎﻋﻮﺽ ﺍﻟﺠﺴــﻮﻡ ﺇﺗﻌﻮﺩَّﻥ ﻟﺒﻼﻫﻦ
ﻣﻴﺪﺍﻥ ﺍﻟﻌﺼُﺮ ﻭﻋُﻘﺐ ﺍﻟﻘﻠﻮﺏ ﻗﺎﻷَّﻫﻦ
ﺑﺪﺭ ﺍﻟﻜﻮﻥ ﻛُﺒﺲ ﺍﻟﻈﻼﻡ ﺿــﻮﺍﻫﻦ
ﺍﻟﻌﺎﻝ ﻭﺍﻟﻮﺳﻂ ﻓﺎﺯ ﺑﺎﻟﺠﻤـﺎﻝ ﺧﻼﻫﻦ
ﻭﺩﺷﻮﺭﺍﻧﻲ :
ﺳﺒﻴﻚ ﺍﻟﺨﻴﻞ ﻇﺒﻲ ﺍﻟﻘﻔَّﺮﻥ ﺑﺨــﻼﻫﻦ
ﺭﺍﺡ ﻳﺨﺮِّﺏ ﺷﺮﻭﻁ ﺍﻟﺘﻮﺑﻪ ﻣﻦ ﻣﻨﺸﺎﻫﻦ
ﻓﻠﻴﺞ ﺑﺴﻤﻬﺎ ﺍﻟﻌُﻘﺪ ﺍﻟﻘﻠﻮﺏ ﺣـــﻼَّﻫﻦ
ﺍﻟﺴﻤﺎ ﻭﺍﻷﺭﺽ ﻳﺎ ﺩﻗﻤﻪ ﻓﻮﻗﻨﺎ
ﻛـﻔﺎﻫﻦ

ﺻﺎﺣﻲ ﻣﻦ ﺍﻟﺼﺒﺎﺍﺍﺍﺍﺍﺍﺍﺍﺍﺍﺍﺡ
ﻭﺍﻟﻘﻬﻬﻬﻬﻮﺓ ﺭﺍﺍﺍﺍﺍﺍﺍﺍﺍﻳﻘﺔ ﻭﺷﺎﺍﺍﺍﺍﺍﺍﺍﺍﻓﻴﺔ
ﻗﺮﻃﻌﺖ ﺍﻟﻜﻮﻳﺲ .. ﻭﺍﻟﻨﻴﺔ ﺳﻤﺤﺔ
ﻭﺻﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻓﻴﺔ
ﺑﺎﺳﻢ ﺍﻟﻠﻪ ﺍﻟﻤﺮﻭﻕ .. ﻣﻦ ﻫﻴﻠﻮ ﻧﺸﺤﺪ
ﻋﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻓﻴﺔ
ﻳﺎ ﺃﻟﻠﻪ ﺍﻟﻜﺮﻳﻢ .. ﺳﻜﺔ
ﺭﺯﻭﻭﻭﻭﻭﻭﻭﻭﻭﻭﻭﻭﻭﻭﻭﻗﺎ ً
ﻭﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻓﻴﺔ
ﻧﺮﺟﻊ ﻓﻲ ﺍﻣﺎﻥ .. ﻭﺍﻟﺨﻮﻓﺔ ﺗﺒﻌﺪ
ﺟﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻓﻴﺔ

مُحتوى الرسالة...صباحك نور وروقه وعااااااافيه

وصحة قهوتك اللينا نحنا مجاااااافيه

سألت المولى يبعد كل مصيبآ خافيه

والارزاق تجيك يوماتي جاريه وحافيه
~aymenko~

مُحتوى الرسالةوشكرا